प्रहरीलाई मिडियाले सकरात्मक आलोचना गरोसः प्रदेश प्रहरी प्रमुख खापुङ

फिदिम। कोशी प्रदेश प्रहरी प्रमुखको नेतृत्व सम्हालेपछी जिल्लाको निरीक्षणमा निस्किएका कोशी प्रदेश प्रहरी कार्यालयका प्रमुख, प्रहरी नायब महानिरीक्षक चन्द्र कुवेर खापुङले प्रहरीलाई मिडियाले सकरात्मक आलोजना गर्नु पर्ने बताएका छन । बुधबार जिल्ला प्रहरी कार्यालय, पाँचथरको सभाहलमा सम्पन्न अन्तरक्रिया कार्यक्रममा उनले ‘प्रहरीको कार्यसम्पादन र गतिविधिलाई मिडीयाले सकरात्मक आलोचना गरीरहेमा प्रहरी आफ्नो कर्तब्यबाट विमुख नहुने र जनभावना अनुसार कार्य गर्नेछ’ भनेका छन ।
अन्तरक्रिया कार्यक्रममा सहभागिहरुले जिल्लामा लागुऔषध सेवनकर्ताहरु बढेको भन्दै उनको ध्यानाकर्षण गराएका थिए । खापुङले जवाफमा – ‘लागु ‍औषध घर घरको समस्या हुदै आएकोले समाजका सवै पक्ष यसमा लाग्नु पर्ने र न्यूनिकरण एवं नियन्त्रण गर्नु पर्नेु’ उनको भनाई छ । नियन्त्रका लागि प्रहरीले बिशेष कदम चाल्ने र प्रहरी गम्भिर रहेको बताएका हुन् । उनले भने ‘देशभरी लागुऔषधको बिकराल रुप छ, प्रहरी एक्लैले लागुऔषध नियन्त्रण गर्न सक्दैन । सबैको सहकार्यबाट मात्र यो नियन्त्रण गर्न सकिन्छ ।’
जिल्ला प्रहरी कार्यालय पाँचथरको नियमित निरिक्षणमा आएका खापुङसंग जिल्ला स्थित राजनीतिक दलका प्रमुख/प्रतिनिधि, नागरिक समाजका प्रतिनिधि, पत्रकार एवं संघ संस्थाका प्रतिनिधि विच अन्तरक्रिया तथा छलफल कार्यक्रम सम्पन्न भएको हो ।

प्रकाशित मिति : २५ माघ २०८०, बिहिबार  १२ : ४२ बजे