दोस्रो फिदिम भेट्रान्स गोल्डकप आजदेखि

मंगल बेघा

९ माघ, पाँचथर । अन्तराष्ट्रिय आमन्त्रण दोस्रो फिदिम भेट्रान्स गोल्डकप– २०८१ कप आजदेखि फिदिममा सुरु हुदैछ ।

फिदिम माविको खेलमैदानमा हुने प्रतियोगिताको उद्घाटन खेलमा आयोजक फिदिम भेट्रान्स क्बलले प्रतियोगिताको एक मात्र विदेशी टोली युनाईटेड फ्रेन्ड्स क्लब बुङकुलुङ दार्जेलिङको सामना गर्देछ । दिउँसो १ वजे हुने प्रतियोगिताको पहिलो खेलमा आयोजकको तर्फवाट तत्कालिन समयमा ए डिभिजन क्बल खेलेका प्रदेश केसी सहितका खेलाडीहरु मैदानमा उत्रने आयोजकले जनाएको छ । पाहुना टोली स्तरीय खेलाडीको साथले जितको लक्षसहित मैदान उत्रनेछ ।

आज नै हुने प्रतियोगिताको दोस्रो क्वाटर फाईनलमा बौद्ध भेट्रान्स क्बल पाँचथरले आठराई गाउँपालिका तेह्रथुमको सामना गर्नेछ । दोस्रो क्वाटर फाईनल साेही मैदानमा दिउँसाे ३ वजे हुनेछ ।

प्रतियोगिताको तेस्रो र अन्तिम क्वाटर फाईनलका खेलहरु विहिबार हुनेछन् । दिउँसो १ वजे हुने तेस्रो क्वाटर फाईनलमा दुधे भेट्रान्स झापा र स्काई क्लब धरानबीच प्रतिस्पर्धा हुनेछ । यसै गरी, सोही दिन ३ वजे हुने प्रतियोगिताको अन्तिम तथा चौथो क्वाटर फाईनलमा रेडस्टार क्बल झापा र गोरख भेट्रान्स इलाम आमने सामने हुने भएका छन् ।

प्रतियोगिताको सेमिफाईनल शुक्रबार र फाईनल शनिबार आयोजना गरिने आयोजक आयोजक फिदिम भेट्रान्स क्बलका अध्यक्ष रोशन श्रेष्ठले बताए । प्रतियोगिताको विजेताले १ लाख ५ हजार ५ सय ५५ र उपविजेताले ५० हजार ५ सय ५५ रुपैयाँ सहित ट्रफी मेडल र प्रमाण पत्र हात पार्ने अध्यक्ष श्रेष्ठले जानकारी दिए ।

प्रकाशित मिति : ९ माघ २०८१, बुधबार  ९ : ३३ बजे