पाँचथर । सवारी ज्यान सम्बन्धी घटनाका कसुरदार ठहर भएका ईलाम जिल्ला ईलाम नगरपालिका ३ बस्ने २४ वर्षीय सन्तोष मुखियालाई प्रहरीले बुधबार फिदिम वजारवाट गिरफ्तार गरेको छ ।
अदालतको फैसला कार्यान्वयन अन्तर्गत सवारी ज्यान मुद्वामा ६ महिना कैद र रु २ हजार जरिवाना भई फरार रहेका कसुरदारलाई खोजतलास गर्ने क्रममा गिरफ्तार गरिएको प्रहरीले जनाएको छ । जिल्ला अदालत पाँचथरको फैसला कार्यान्वयन गर्ने अभियान अन्तर्गत निजलाई फिदिम वजारमा हिडडुल गर्दै गरेको अवस्थामा गिरफ्तार गरिएको जिल्ला प्रहरी कार्यालयका प्रहरी निरीक्षक दिवस कुँवरले बताउनु भयो । उनलाई बिहिबार अदालत पेश गरिएको समेत उहाँले जानकारी दिनु भयो ।
मुद्दाको फैसला बमोजिम कसुरदारलाई कैद भुक्तानको लागि विहिबार नै जिल्ला कारागार कार्यालय पाँचथर पठाइएको जिल्ला अदालत पाँचथरले जनाएको छ ।
प्रकाशित मिति : १४ मंसिर २०८०, बिहिबार ८ : १६ बजे
प्रतिक्रिया