फिदिम – लोपोन्मुख ‘गिद्ध’ फिदिम–२, ओदिनस्थित पत्रकार नारायण तुम्बापोको आँगन नजिकै सोमबार दिउँसो घाइते अवस्थामा भेटिएको छ ।
![](https://i0.wp.com/shaktipost.com/wp-content/uploads/2022/06/gidda1-768x512.jpg?resize=720%2C480&ssl=1)
उड्न र हिंड्न सक्ने अवस्थामा नरहेको उक्त ‘गिद्ध’ को उद्धार गरी डिविजन वन कार्यालयमा खबर गरि कार्यालयका प्रतिनिधिलाई जिम्मा दिएको पत्रकार तुम्बापोले बताए ।
डिविजन वन कार्यालयका सहायक वन अधिकृत श्रीनारायण यादवका अनुसार बृद्ध पक्षि ‘इन्डियन भल्चर’ हो । लामो समयसम्म आकाशमा उडिरहँदा भोक र थकाईले भुईमा झरेको हुन सक्ने उनले बताए ।
उक्त गिद्धलाई हालः डिविजन वन कार्यालय फिदिममा राखेर खानेकुरा दिने, हेरचार गर्ने काम भइरहेको कार्यालयले जनाएको छ । ठिक भएपछि वनमा छोडिदिने बताइएको छ ।
प्रकाशित मिति : १४ असार २०७९, मंगलबार ४ : ०० बजे
प्रतिक्रिया