पावर पोष्ट मिडिया प्रा.लि.

फिदिम नगरपालिका वडा नं ०२, पाँचथर
सम्पादक: युधिष्टिरराज आमगाई
सूचना विभाग दर्ता नं. ३३४५-२०७८/०७९

१३-भदौ, पाँचथर । नेपाल प्रहरीकाे ३२औँ महानिरीक्षक (आईजीपी) मा चन्द्रकुवेर खापुङलाई नियुक्त भएका छन् । शुक्रबार बसेको मन्त्रिपरिषद्ले आगामी भदाै १९ गतेदेखि लागू हुने गरी उनलाई महानिरीक्षक नियुक्त गरेको हाे ।

वर्तमान आईजीपी दिपक थापाकाे १८ गते अवकाश हुँदैछ । प्रधानमन्त्री केपी शर्मा ओली शनिबारदेखि चीन भ्रमणमा जाने भएकाले त्यसअघि बसेको मन्त्रिपरिषद् बैठकले नै प्रहरी प्रमुखकाे निर्णय गरेकाे हाे ।

खापुङ हाल प्रहरीको केन्द्रीय अनुसन्धान ब्यूरो (सीआईबी) मा प्रमुख छन् । उनले अहिलेका आईजीपी थापासँगै प्रहरी निरीक्षक भर्नाका लागि फारम भरेका थिए । साे व्याजमा भर्ना भएका प्रहरी निरीक्षकहरुलाई तीन लटमा नियुक्त गरिएकाे थियाे । तेस्राे लटमा नियुक्त भएका खापुङले साे व्याजका प्रतिस्पर्धी नभएपछी सहज रुपमा प्रहरी प्रमुखकाे जिम्मेवारी पाएका हुन् ।

खापुङ ३० वर्षे सेवा अवधिका कारण कात्तिक २६ गतेवाट अनिवार्य अवकाशमा जानेछन्। उनकाे कार्यकालमा नयाँ प्रहरी ऐन जारी भए उनको सेवाअवधिमा अहिलेको प्रावधान अनुसार ६ महिना थपिनेछ ।

प्रकाशित मिति : १३ भाद्र २०८२, शुक्रबार  ५ : ४२ बजे