पावर पोष्ट मिडिया प्रा.लि.

फिदिम नगरपालिका वडा नं ०२, पाँचथर
सम्पादक: युधिष्टिरराज आमगाई
सूचना विभाग दर्ता नं. ३३४५-२०७८/०७९

१०- साउन, पाँचथर । लागू औषधकाे प्रयाेग गरेकाे आराेपमा फिदिम नगरपालिका–४ वाट ३ जनालाई साेमबार गिरफ्तार गरेकाे छ ।

अवैध रुपमा लागू औषध प्रयाेग भइरहेको गोप्य सूचनाका आधारमा प्रहरीले उनीहरूलाई गिरफ्तार गरिएकाे जिल्ला प्रहरी कार्यालयले जनाएकाे छ। फिदिम नगरपालिका–४ नुमा मार्गस्थित एक घरमा छापा मारेर लागू औषध ब्राउन सुगरसहित ३ जनालाई नियन्त्रणमा लिएको हो।

गिरफ्तार हुनेहरूमा फिदिम नगरपालिका–४ का २७ वर्षीय सुमन राई, मिक्लाजुङ गाउँपालिका–७ का ३२ वर्षीय सुमन राई र फिदिम नगरपालिका–४ का २७ वर्षीय रोबिन लिम्बु रहेका छन्।

प्रहरीका अनुसार उनीहरू कालो रंगको प्लास्टिकको पोकामा लागू औषध राखी बेचबिखन गर्न लागिरहेको अवस्थामा फेला परेका थिए। उनीहरूबाट झन्डै ८१० मिलिग्राम लागू औषध ब्राउन सुगर, तीन थान मोबाइल पनि बरामद गरिएको प्रहरीले जनाएको छ।

पक्राउ परेका तीनै जनालाई हिरासतमा राखी थप अनुसन्धान थालिएकाे जिल्ला प्रहरी कार्यालयका सूचना अधिकारी प्रहरी निरीक्षक ख्यामराज घिमिरेले जानकारी दिए ।

प्रकाशित मिति : १० भाद्र २०८२, मंगलबार  १ : ४२ बजे