लिम्बू पत्रकार संघमा सन्देश सुब्बा

२२ चैत्र, पाँचथर । लिम्बू पत्रकार संघको अध्यक्षमा सन्देश सुब्बा निर्वाचित भएका छन् । तेह्रथुमको लालीगुराँस नगरपालिका स्थित चो?लुङ पार्कमा शुक्रबार सम्पन्न तेस्रो महाधिवेशनले सुब्बाको अध्यक्षतामा ११ सदस्यीय समिति चयन गरेको हो ।

समितिको उपाध्यक्षद्धयमा सचितानन्द सुब्बा र सुजाता लिम्बू, महासचिव जीवन योङहाङ, सचिवद्धय ज्ञानु केदेम र सम्पदा योङया सहित कोषाध्यक्ष दिलकुमार फेम्बू निर्वाचित भएका छन् । यसै गरी, सदस्यहरुमा सिंहबहादुर लिम्बू, धनबहादुर लिम्बू, मौसमी पारघरी र सबिना लिम्बू चयन भएका छन् ।

महाधिवेशनको बन्दसत्रले सर्वसम्मत रुपमा समिति चयन गरेको संघका निवर्तमान अध्यक्ष देवेन्द्र खापुङले बताए । उनका अनुसार महाधिवेशनमा ताप्लेजुङ, पाँचथर, इलाम, झापा, मोरङ, सुनसरी, धनकुटा, तेह्रथुम, काठमाण्डौं लगायतका जिल्लामा क्रियाशील लिम्बू पत्रकारहरुको सहभागिता रहेको थियो ।

महाधिवेशनको उद्घाटन सत्रलाई प्रमुख अतिथि लालीगुराँस नगरपालिकाका प्रमुख अर्जनुबाबु माबुहाङ सहितका अथितिहरुले संबोधन गरेका थिए ।

प्रकाशित मिति : २२ चैत्र २०८१, शनिबार  ७ : ३९ बजे