तेस्रो याङनाम गोल्डकपको खेल तालिका सार्वजनिक

२० चैत्र, पाँचथर । तेस्रो याङनाम गोल्डकप फुटबल प्रतियाेगिताकाे खेलतालिका सार्वजनिक भएकाे छ । पाँचथरको फिदिम नपा -१० खलङगाटार स्थित इमानसिङ रङ्गशालामा यहि चैत्र २७ देखि २०८२ साल वैशाख २ गतेसम्म सञ्चालन हुने प्रतियाेगिताकाे बुधबार फिदिममा पत्रकार सम्मेलन मार्फत खेल तालिका सार्वजनिक गरिएको हाे ।

याङनाम फुङनाम मेला समितिकाे आयोजनामा सञ्चालन हुने प्रतियाेगिताकाे खेलतालिका अनुसार उद्घाटन खेलमा तिजोक युवा क्लव, नवमिडाँडा र युनाइटेड एफ. सी., पाँचथर प्रतिस्पर्धा गर्ने छन् । यसै गरी, दाेस्राे क्वाटर फाइनलमा २८ गते टु स्टार, इम्बुङले फिदिम स्पाेर्टिङ क्लव, फिदिमकाे सामना गर्नेछ । चैत २९ गते हुने तेस्राे क्वाटर फाइनलमा आयोजक याङनाम फुटवल क्लव र न्यु पाथिभरा स्पाेर्टिङ क्लव, चोकमागु आमने सामने हुनेछन् ।अन्तिम क्वाटरफाइनलमा चैत ३० गते व्वाइज युनियन, पाँचथरले फुङबारी एफ. सि, फाक्तेपसँग प्रतिस्पर्धा गर्ने छ ।

प्रतियाेगिताकाे पहिला सेमिफाइनल चैत ३१ गते हुनेछ भने दास्राे सेमिफाइनल वैशाख १ गते हुनेछ । फाइनल खेल वैशाख २ गते हुनेछ । हरेक दिन दिउँसो २ वजेदेखि सञ्चालन गरिने खेलकाे प्रत्यक्ष प्रशारण गोल नेपालबाट गरिने आयाेजकले जनाएकाे छ ।

गोल्डकपको विजेताले नगद २ लाख ३ हजार ३ सय ३ रुपैँया सहित ट्रफी, मेडल र प्रमाण-पत्र प्राप्त गर्नेछ भने उपविजेताले नगद १ लाख ३ हजार ३ सय ३३ रुपैँया सहित ट्रफी, मेडल र प्रमाण-पत्र प्राप्त गर्ने छ । यसै गरी, व्यक्तिगत विधागततर्फ वेष्ट प्लेयर, वेष्ट गोलकिपर, वेष्ट डिफेन्डर, सर्वाधिक गोलकर्ता र उदयीमान खेलाडिले नगद ३ हजार, ट्रफि मेडल र प्रमाण–पत्र प्राप्त गर्ने छन् । प्रत्येक खेलकाे म्यान अफ द म्याचले नगद २ हजार र ट्रफी प्राप्त गर्नेछ ।

गोल्डकपको प्रर्वद्धक फिदिम नगरपालिका र संरक्षकमा फिदिम नगरपालिका १० नम्बर वडा कार्यालय रहेको छ ।

यसैबीच याङनाम फुङनाम मेला यस वर्ष चैत्र २७ देखि वैशाख २ गतेसम्म लाग्ने भएको छ। मेलामा विभिन्न मनोरञ्जनात्मक कार्यक्रमहरु रहने वताइएको छ । मेलाको अवसरमा वैशाख १ गते चर्चित कलाकारहरुको उपस्थितिमा बृहत साङ्गीतिक कार्यक्रमको समेत आयाेजना गरिने आयाेजकले जानकारी दिएकाे छ ।

तस्विर साैजन्य: उपेन्द्र एक्तेन

प्रकाशित मिति : २० चैत्र २०८१, बिहिबार  १० : ०८ बजे