प्रथम फालेलुङ म्याराथनको उपाधि ताप्लेजुङका रमेशलाई

१८ चैत्र, पाँचथर । प्रथम फालेलुङ म्याराथनको उपाधि ताप्लेजुङका रमेश तावाहाङ लिम्बूले चुमेका छन् । शनिबार फालेलुङमा आयोजित म्याराथनको निर्धारित ४२ किलोमिटर दुरी ३ घण्टा २२ मिनेटमा पार गर्दै तावाहाङले उपाधि हात पारेका हुन् ।

म्याराथनमा पाँचथरका विशाल राई द्धितीय र त्रिभुवन आर्मी क्लब, काठमाडौंका राजन मेयोङ्वा तृतीय भए । राईले ३ घण्टा २९ मिनेट र मेयोङबाले ३ घण्टा ३८ मिनेटमा निर्धारित दुरी पार गरेका थिए ।

म्याराथनका विजेता तावाहाङले ५५ हजार ५ सय ५५ रुपैयाँ प्राप्त गरे । द्धितीय र तृतीय स्थान हाँसिल गरेका राई र मेयोङबाले क्रमशः २७ हजार २ सय २७ रुपैयाँ र १२ हजार २ सय १२ रुपैयाँ प्राप्त गरे । प्रतियोगितामा उत्कृष्ट १० स्थान हाँसिल गर्ने धावकहरुलाई समेत पुरस्कार प्रदान गरिएको थियो ।

परिवर्तन संघ फालेलुङको आयोजनामा भएको म्याराथनका विजेताहरुलाई आइतबार एक कार्यक्रमको आयाेजना गरी पुरस्कार वितरण गरिएकाे थियाे । म्याराथनमा देशभरीका धावकहरुकाे सहभागिता रहेकाे थियाे ।

प्रकाशित मिति : १८ चैत्र २०८१, मंगलबार  ७ : १० बजे