काठमाडौँ । शुक्रबार भएको फैसला अध्ययन समितिको बैठकले जिल्ला र उच्च अदालतका फैसला अध्ययन गर्ने निर्णय गरेको छ ।
सर्वोच्च अदालतका वरिष्ठतम् न्यायाधीशको संयोजकत्वमा रहेको समितिको बैठक न्यायपरिषद कार्यालयमा बसेको थियो ।
स्रोतका अनुसार फैसला अध्ययनका लागि दुईवटा आधार तयार पारिएको छ । जिल्ला र उच्च अदालतका फैसलामध्ये केहीलाई नमुनाका रुपमा अध्ययन गर्ने र राय किताब हेरेर कैफियत जस्तो लागेमा, समाचारको विषय बनेका फैसलालाई प्राथमिकताका साथ अध्ययन गर्ने निर्णय भएको स्रोतको भनाइ छ ।
यसरी अध्ययन गर्दा फैसलामा कैफियत देखियो भने सम्बन्धित न्यायाधीश बर्खास्त गर्न समितिले न्यायपरिषदलाई सिफारिस गर्न सक्छ ।
प्रकाशित मिति : २९ जेष्ठ २०७९, आइतबार ४ : १६ बजे
प्रतिक्रिया